Chapter 18

CASSY

Maaga pa rin akong nagising ngayong araw na 'to kahit ilang oras lang ang naging tulog ko. May trabaho kasi ako sa mansion na 'to kaya kailangan na maagang gumising. Mabuti siguro kung wala ngunit may trabaho talaga akong kailangan na gawin sa mansion na 'to. Sanay naman na rin ako na kaunting oras lang ang tulog.

Noong una ay hindi pa ako sanay ngunit ngayon ay sanay na nga ako. 'Pag talaga sanay ka na ay balewala na lang 'yon sa 'yo. Hindi mo na masyadong iisipin 'yon. Ang importante ay magawa mo ang responsibilidad mo nang maayos. Ganoon ang nasa isip ko.

Tinapos ko pa rin pala kagabi ang ginagawa ko. Hindi ko pinakingggan ang sinabi ni Sir Zach na crush ko na ngayon ko na lang ipagpatuloy 'yon. Sinunod ko pa rin ang plano kong tapusin kagabi. Gusto kong tapusin na 'yon kagabi para panibagong trabaho naman ang gagawin ko ngayong araw na 'to.

Pagkagising ko kanina ay walang ibang laman ang isipan ko kundi si Sir Zach at ang naging kasunduan naming dalawa kagabi na hindi ko ta