Chapter 29

CASSY

Maaga muli akong gumising kinabukasan para magtrabaho sa mansion. Hindi ko na hinintay si Sir Zach na dumating pa sa kuwarto niya. Umalis na ako sa kuwarto niya bago pa sumapit ang ala una ng madaling araw dahil inaantok na talaga ako. Hindi ako puwedeng makatulog doon sa kuwarto niya. 'Pag kasi nakatulog na ako doon ay magigising ako na umaga na. Magtataka ang mga kasamahan ko na kasambahay kung bakit hindi ako natulog doon sa kuwarto namin. Magtataka sila sa akin lalo na ang kaibigan ko na si Izza. Ano'ng sasabihin ko sa kanila kapag nalaman nila na hindi ako natulog sa kuwarto namin? Mag-iisip pa sila n'yan ng kung ano tungkol sa akin.

Kung dumating man nga si Sir Zach sa kuwarto niya na wala na ako kagabi ay magpapaliwanag na lang ako sa kanya. Hihingi ako sa kanya ng sorry dahil umalis na ako sa kuwarto niya at hindi ko na siya hinintay na dumating kahit anong oras pa siya umuwi.

Hindi ko naman puwedeng isakripisyo ang trabaho ko para sa gustong mangyari niya. Marami pa na