Chapter 37

CASSY

Abala ako sa pagtatrabaho sa loob ng mansion nang mapansin ko na nag-usap-usap ang tatlong kasambahay na kasamahan namin. Isa doon si Jena. May bago nga palang kasambahay dito sa mansion. Nadagdagan kami ng tatlo kaya walong kasambahay na kami ngayon dito. May dalawa pa nga raw na parating na hindi ko alam kung kailan nagsisimulang magtrabaho ang mga 'yon.

Curious akong malaman kung ano man nga ang pinag-uusapan nilang tatlo kaya lumapit ako sa kanila. Nagtatrabaho pa rin ako kahit nakikinig ako sa pinag-uusapan nilang tatlo. Hindi ako nagpapahalata sa kanila na nakikinig ako sa kung ano man ang pinag-uusapan nila.

Nandoon sa labas ang kaibigan ko na si Izza dahil may pinapatrabaho si Ma'am Rosaline sa kanya sa garden nito. Siya kasi ang nasabihan nito. Ako sana ang uutusan ni Ma'am Rosaline kanina kaso nakita niya na marami akong ginagawa kaya ang kaibigan ko na si Izza na lang ang inutusan niya.

"Sa tingin n'yo ba ay ano'ng ibig sabihin ng mantsang 'yon na nakita ko sa bedshee