Chapter 32

CASSY

Matapos ang pag-uusap naming dalawa ng kapatid na si Jona sa kabilang linya ay bumalik naman na kaagad ako sa loob ng mansion. Naghihintay na sa akin doon sa loob ang aking kaibigan na si Izza. Makikibalita kasi ito sa akin tungkol sa kung ano na ang lagay ni mama sa ospital na kahit hindi siya magtanong sa akin ay sasabihin ko naman nga sa kanya. Sinasabi ko 'yon sa kanya para alam niya kung ano ang nangyayari at kalagayan ni mama na naka-confined sa ospital.

"Kumusta ang pag-uusap n'yong dalawa ng kapatid mo na si Jona? Kumusta na rin ang lagay ng mama mo, huh?" tanong nga niya sa akin.

Nagpakawala muna ako nang malalim na buntong-hininga bago sumagot sa kanya.

"Okay naman ang mga kapatid ko kahit papaano. Nasa ospital pa rin sila. Naka-confined pa rin doon si mommy ngunit bumubuti-buti na rin ang lagay niya, Izza. Masaya ako na malaman 'yon. Sigurado ako na gagaling na nang tuluyan si mama n'yan at makakauwi na sila sa bahay. Gustong-gusto na nga ng mga kapatid ko ang umuwi s