3 - My Lady

Sa wakas, nakahanap din siya ng trabaho. Iyon nga lang, sa isang Coffee Shop. Cashier siya ro'n at okay na okay na iyon sa kaniya. Malaking pera na rin iyon kapag naging Philippine Peso. Hindi naman siya mapili sa trabaho, ang kaniya lang ay mapapalagyan niya ng loob at nagustuhan ay okay na okay iyon.

Hindi gaanong sikat ang Coffee Shop na binabantayan niya at dahil bagong bukas pa ito kaya hindi siya busy at may dalawa siyang kasamang babae na puro pinay rin. Mabilis napalagay ang loob niya sa dalawa. 

“Ang gwapo talaga niya, no?” nangangarap na saad ng dalawa habang nakatuon ang mga mata sa malaking flatscreen TV sa isang tabi.

Agad napasunod ang kaniyang tingin dito. Napaismid siya sa taong tinutukoy ng mga ito, ang bwesit na lalaki! Hindi na lang niya pinakialam ang mga ito at nagseryuso sa binabasang menu. Hindi siya mahilig sa kape kaya kailangan niyang mamemorya bawat kape roon.