38 - Have You Ever?

Hindi mawala ang ngiti ni Lianne habang nagluluto ang asawang si Zyd. Yes, tatawagin niya 'tong asawa. Malayo pa naman ang isang taon at marami pang magbabago sa loob ng mga panahong 'yan. Baka naman kaya niyang pasarapin ang kapeng mapait. Who knows? Pagkatapos siya nitong halikan ng ilang segundo kanina, binitawan agad siya nito at tinanong siya ulit kung gusto ba niya si Henrik. 

Iling na ang kaniyang naging sagot at ngumiti ito. Hinaplos pa nito ang kaniyang pisngi saka ito nagpresintang magluto ng dinner nila. Siya naman si mukhang timang, kinikilig na tumango at umupo sa stool habang nakalumbaba rito. Ang swerte naman talaga ni Zyd kung bakit SIYA ang naasawa nito. 

"Caiden..." tawag niya. May itatanong siya regarding sa Stanley Cup ng NHL. "Caiden?"  hindi yata siya narinig kaya kailangan niyang ulitin ang pagtawag. 

Humarap ito at matamang tiningnan siya. Nagtaas siya ng kilay. Ano na naman nangyari rito?