Chapter 20 - 18th

Nag-ikot nang tingin si Amara sa bagong paligid na nakikita ng kaniyang mga mata. Australia it is! Dito sa lugar na ito siya magtatapos ng senior high at magpapatuloy ng kolehiyo.

"You sure okay ka lang talaga dito? Wala na ako na laging magluluto ng paborito mong pagkain, wala na ako—"

"—Mom!" inirapan niya ito at tinawanan lang siya ng ginang.

"I know, I know. You're grown up now. Malulungkot na kami ng dad mo nito dahil kami na lang sa mansiyon."

Ngumisi siya, not anymore. Last month lang ay may nabangga ang mga ito, isang babaeng kasing-edad lang niya. Mukhang galing ito sa probinsya at walang kamuwang-muwang sa mundong pinuntahan nito at basta na lang tumawid kahit naka-red light dala-dala ang maletang gawa sa abaka. Nalaman nilang naglayas ito at galing pa ito sa Zamboanga dahil sinasaktan ito nang sariling mga magulang. At naniwala sila dahil na rin sa mga pasa nito at mga latay sa