Chapter 14

"Congratulations!"

Halos mapalundag sa gulat si Finn  pagkalabas na pagkalabas niya mula sa banyo. Tanging tuwalya lang na itinapi niya sa kanyang baywang ang kanyang suot na saplot. Mabuti na lang at mahigpit ang ginawa niyang pagkakatali niyon kung nagkataon ay baka nalantad na ngayon sa mata ng pangahas ang kanyang hubo't hubad na kabuoan.

"Paano ka nakapasok?" Iritadong tanong niya kay Emerson nang makitang nagkalat sa sahig ng kanyang kwarto ang pinaputok nitong confetti.

"Dumaan ako sa pinto," sarkastikong tugon nito sa kanya kaya pinalo niya ito ng      . Pampunas niya lang sana iyon para tuyuin ang basang buhok pero ngayon ay ginamit na lang din niya para alisin ang mga confetti na dumapo at dumikit sa medyo basa pa niyang dibdib.

"Pinatuloy ako ni Isabel. Akala niya kasi ay nagmumukmok ka na naman dito sa loob ng kwarto."

Hablot ang mga nakatuping damit na inihanda niya kanina, nagdesisyon si Finn na bumalik na lan