Chapter 28

"Good morning, Attorney!" 

Masiglang bati ni Venice ang sumalubong kay Finn pagkarating niya sa sala. Dumiretso na siya rito kahit hindi pa siya nakapaghilamos man lang. May hinahanap kasi ang mga mata niya. Nang hindi niya ito nabungaran pagkagising kanina ay madalian ang ginawa niyang paglabas sa study room.

Oo nga at naroon pa ang higaang inihanda niya kagabi pero parang walang indikasyon na hinigaan iyon ng kung sino. Walang kagusot-gusot ang bed sheet ng kama. Pati ang kumot ay maayos na nakatupi. Nakadama tuloy siya ng panghihinayang kasi na picture out niya sa isip kagabi na parang dinaanan ng bagyo ang magiging ayos ng kumot kinabukasan. Sa klase ba naman ng kalikutan matulog ni Angielyn, hindi na 'yon nakapagtataka. 

"Good morning!" tugon ni Finn sa pagbati ni Venice.

Malawak ang pagkakangiti ng babae. Napansin niya na may suot itong apron. Kapansin-pansin kasi mas mataas pa ang tela ng apron kaysa sa suot nitong nasapawan. Litaw an