Chapter 29

"Where did you sleep last night?"

Natigil si Angielyn sa kapipili ng mga gamit pambata. Naisipan niya kasi na mamili. Hindi pa niya alam ang gender ng batang dinadala niya kasi hindi pa makita sa ultrasound kaya plano niya na parehong panglalaki at pangbabae ang bibilhin niya na gamit. Total naman, day off ni Air ngayon kaya pinilit niya talaga na sumama ito. Oo na! Siya na itong walang konsensya. Alam naman niya na kulang ito sa tulog pero kinaladkad pa rin niya ito papunta rito sa mall.

"Masyado bang magaspang ang tela nito? Do you think magiging komportable si baby na suotin ito? Ano sa tingin mo?" 

Kunwari ay tanong niya para ibahin ang usapan. Para matakasan na sagutin ang tinatanong ng kaibigan. Sa dami ba naman ng mga inilihim niya sa kaibigan, nakokonsensya na siya. Pero mukha yatang wala talaga itong plano na hayaan siyang makalusot sa pagkakataong 'to. Inilapit pa nito ang mukha sa mukha niya habang nakataas ang isang kilay. Parang isang kontra