Chapter 20

Artemis’ POV

“Nasa opisina niya na si Mr. President?” tanong ko kay Junio na mukhang wala sanang balak kausapin ako subalit matagal niya akong tinignan bago siya napatikhim.

“Wala pa. The employee can have our breakfast first. Paniguradong male-late si Mr. President dahil umuwi na mg piliinas ang first lady,” malamig ang tinig niya nang sambitin ‘yon. Unti-unting napaawang ang labi ko nang mapagtanto ang kaniyang sinabi.

Bakit ko nga ba nakalimutan na may fiancee ito? Gusto kong mapangiwi sa sarili dahil sa mga katangahang iniisip ko nitong mga nakaraang araw. Talaga ngang nakakahiya ako. At ang kapal din naman ng mukha ni Zelo na matulog sa kwarto gayong may fiancee siya? So ano? Magtutungo siya sa akin dahil wala pa ang asawa. Kaya pala umalis din ng kwarto kagabi. Akala ko’y talagang galit lang sa ginawa ko, na-guilty pa ako subalit ngayon ay unti-unti ko na lang napagtanto na wala naman pala akong dapat ikabahala. Umalis lang pala para salubungin ng mainit na yakap ang asawa.