Chapter 42

Artemis’ POV

“You look stunning,” nakangiting saad sa akin ni Mr. Juan Cloud. Tipid lang akong ngiti bago sinabayan siya sa paglalakad. Tutungo na kami ngayon sa party ng pamilya ni Ms. Yu.

Nauna nang nagtungo sina Zelo at Hades kasama si Ms. Yu roon. Aalis na lang ay nakikipagtalo pa sa akin si Zelo kanina. Gusto niyang sumabay ako sa kanila. Kung hindi pa tinawag ng anak ay hindi pa talaga susunod. Pinipilit ang kaniyang gusto.

Nitong mga nakaraang araw lang ay para kaming aso’t pusa na laging nag-aaway. Sinusubukan kong iwasan na lang ang makipag-usap sa kaniya subalit he’s always trying na ikinapipikon ko lany bandang huli.

Mayamaya lang ay sumakay na kotse ni Mr. Juan Cloud. Magaan ang presensiya nito at nagagawa naming makapag-usap nang maayos.

Naikwento niya rin ang dahilan kung bakit niya ako inaya bilang date niya ngayong gabi. Pinipilit siyang ireto sa isa sa kanilang business partner but as he doesn’t want to, he wants to bring a date to prove his points to his parents.