Chapter 46

Artemis’ POV

Agad akong tumalon sa sumunod na palapag. Nang makaalis ako sa veranda ng room ng bise presidente’y mayroon pa ring mga humahabol sa akin subalit mukhang unti-unti na rin silang huminto dahil hindi lang naman kami ang mga tao sa labas. Mukhang pinlano rin talaga nila na dalhin ako sa hotel room na ‘yon dahil sound proof. ‘Yon nga lang ay mukhang hindi nila inaasahan ang pagtakas ko.

Hinihingal ako ng tuluyang makaalis mula roon. Isang kotse ang tumapat sa akin. Agad kong nakita si Macoy na siyang naiiling na lang sa akin.

“De puta! Sugod ka na naman nang sugod, hayop ka,” ani Macoy na pinapasok ako sa loob. Hinihingal lang akong napasandal sa kotse. Mukhang tinatawagan na rin niya sina Junio.

“May tama ka!” malakas na sigaw ni Macoy kaya agad ding napamura si Ares mula sa kabilang linya. Pinatay ko na rin ang mic ko dahil paniguradong masesermonan lang ako at baka marinig pa ni Zelo ‘yon.

Pumikit lang ako sa hapdi ng daplis ng bala sa akin.

“Malilintikan talaga ako n