Kabanata 58

‘Dalawang buwan versus halos dalawang dekada.’ Napatawa si Diego sa kanyang isipan.

Naiintindihan ni Diego na hindi madali para kay Celeste na burahin ang nararamdaman nito para sa dating asawa lalo na sa ikli ng panahon. Siguro nga ay kahanga-hanga na rito ang hindi pagpapakita ng emosyon sa tuwing nababanggit ang pangalan ng lalaking iyon.

Ang pagmamahal, sakit, trauma, hinanakit, at poot sa dati niyang asawa ay naghalo-halo na. Kahit sino naman siguro na maranasan ang sinapit niya ay pipiliin na lang na tigasan ang puso.

Kahit din si Diego na single buong buhay ay nauunawan ang mga ganoong bagay. Lalo na't lumaki siya sa kanyang ina noon na ilang beses niloko ng kanyang ama. Naalala pa ni Diego ang pang-aabusong pisikal ng kanyang ama sa kanyang ina, maging ang paglalason sa isipan nito. Para sa kanya noon na musmos na taong gulang pa lamang, ay talaga namang trauma ang inabot niya resulta kung bakit ayaw niya ng katuwang sa buhay ngayon.

Sa huli ay pinili ng kanyang ina na wakasan