Chapter 40

"Mukha kang masaya. Mukha kang inspired. Mukha kang kontento. Mukha kang mabait."

"At mukha rin na maaga na naman ako na mabubuwisit sa’yo, kaya ngayon pa lang ay nangangati na ang mga kamay ko na makapanakit." Pagtatapos ni Evan sa sinasabi ng kaibigan niya na si Tof. Kasisimula pa lamang kasi ng kanilang pag-uusap ay wala nang ginawa si Tof kung hindi ang asarin siya at tuksuhin sa mga sinasabi nito na nakikita na pagbabago sa kan’ya.

"At higit sa lahat, mukha kang in love na in love." Hindi nito pinansin ang pagbabanta niya at sa halip ay itinuloy pa rin ang nais na sabihin.

Hindi naman din nagkakamali si Tof sa mga nakikita nito sa kan’ya. Masaya naman talaga siya ngayon sa kung ano ang mayro’n sila ni Harper. At tama rin na sabihin ni Tof na mas lalo siya na naging inspirado sa buhay niya, ngunit, higit sa lahat, mas sumidhi ang nais niya na paghihiganti sa mga Torres, lalo na kay Brent.

At ang lahat ay dahil kay Harper at sa naranasan nito sa mga Torres. And having Harper by