Chapter 55

Magkakasalo ng nag aalmusal sina Dave, Leslie at Digna sa may garden. Naisip ng mommy ni Dave na sa labas na sila ng bahay mag almusal upang maarawan naman daw si Leslie.

Pumayag naman ang mag asawa sa suhestyon ni Digna. "Bakit nga pala hindi ka pa nakauniform, Leslie? wala ka bang pasok sa school ngayon?" tanong ng biyenan ni Leslie.

"Oo nga, Love. Hindi ka ba papasok ngayon?" segunda naman ding tanong ni Dave ng mapansin na nakapambahay pa palang damit ang asawa.

Napangiti naman si Leslie sa mag ina. "Pinagpahinga muna ako ngayong araw dahil kahapon bago mag uwian ay nakita ako ng principal ng school na nagduduwal sa loob ng banyo. Ewan ko ba malapit na kong manganak pero hanggang ngayon ay may oras pa rin na naduduwal ako at nahihilo." litanya niyang nakangiti pa rin sa asawa at biyenan.

Bigla namang nag alala si Dave sa sinabi ng asawa. "Bakit hindi mo sinabi sa akin kahapon ng sunduin kita?! kahit kagabi bago ka natulog ay hindi mo sa akin ipinaalam." pag aalalang turan ni Dave