Chapter 54

Kinagabihan patulog na si Dave ng makatanggap siya ng tawag sa cellphone niya mula kay Dixon.

"Nakaalala kang tumawag?." pagbungad na turan ni Dave ng sagutin niya ang tawag ng kaibigan.

( May bad news ako para sayo at sa asawa mo, Dave.) seryosong wika ni Dixon na awtomatikong ikinaayos ng upo ni Dave sa higaan at napatingin sa katabing asawa na mahimbing ng natutulog.

"Anong bad news, Dixon?" seryoso na ring tanong ni Dave na halos pabulong na lang niyang ibinigkas.

( Nakatakas si Atienza kaninang umaga sa kulungan, Dave.) aning sagot ni Dixon Montelibano.

"What?! bakit ngayon mo lang itinawag sa akin Dixon, ang bagay na yan?" saad ni Dave na halata na ang sobrang pag aalala sa boses nito.

( Calm down, Dave. Ngayon ko lang din nalaman ang tungkol sa ginawang pagtakas ni Maynard.)

Dahan-dahan na tumayo si Dave at lumayo kay Leslie dahil ayaw niyang marinig siya ng asawa.

"Paano nakatakas ang hayup na lalaking iyon sa bilangguan, Dixon?!" nagngangalit ang mga ngiping tanong ni Dave.