Chapter 53

Pitong buwan na mahigit ang ipinagbubuntis ni Leslie at medyo nahihirapan na nga rin siyang kumilos dahil sa laki ng kanyang tiyan.

"Love, siguro kailangan ko na ngang magpaalam sa principal namin. Kukuha na ako ng maternity leave, pwede na rin naman dahil ilang weeks na lang ay manganaganak na ko." pagbubukas ng usapan ni Leslie ng gabing matutulog na sila ni Dave.

Napatigil sa pagbabasa ng books niya si Dave ng marinig ang sinabi ng asawa. "Talaga?!" at binitiwan ang binabasang libro.

"Medyo nahihirapan na kase akong gumalaw o kumilos. Inaantok rin ako sa loob ng classroom. Lately kase nahihirapan akong makatulog sa gabi kaya pagdating ng tanghali sobrang inaantok na ko, gusto ko ng hilain ang oras para makauwi agad ako ng bahay." paliwanag ni Leslie kay Dave.

"Hay salamat naman at nakapagdesisyon ka na! Alam kong mahal mo ang pagtuturo, pero para sa anak natin ay isasantabi mo ang gusto mong gawin. Thank you, Love at mapapanatag na rin ako. Hindi na ko mag aalala na baka mapaano ka