CHAPTER 34- MATCHING TATTOOS

"Ano yan?!"

Bumalik ako sa katinuan ng umintrada si Silang. Akmang babawiin ko ang kamay kong hawak niya pero pinigilan niya dahilan para makita ni Silang ang matching tattoos namin.

"Wow, ha? Ang ganda, in fairness. Kailan lang 'yan?"

Hindi ko na nagawa pang sumagot, nasa kamay ko lang ang titig ko.

"Matagal na." Siya ang sumagot. Naghuhumiyaw ang pagmamalaki at kumpiyansa sa tono niya.

"Gaano ba katagal ang matagal na 'yan?! Payapa naman itong kausap ba!"

"Nine years ago" sagot niya na naman at naramdaman ko ang titig niya. Nasa counter na kasi ang paningin ko, mukhang sa wakas ay may pagkain na.

Sinundot pa ni Silang ang tagiliran ko. "Yiee," nang-aasar nitong saad.

"Ano ba?!" asik ko pa.

"Sus, kinikilig ka lang, eh. Paano 'yong kilig ulit? Iyong tidal wave ba?"

Humalakhak pa siya. Bakit ko pa kasi na kwento 'yon sa kanya? Kaya ayaw ko talagang mag-share, eh!

"Ewan ko sa 'yo."

"Kaya pala, ha? May wave with matching moon and stars pala kayo. Masakit ba?"

Napakunot-noo naman ako.