CHAPTER 35- RE-WRITE THE STARS

"Uy, uy! Saan ang punta niyo, ha?!" harang sa amin ni Trice. Nakahalukipkip pa ang haduf na akala mo ay siya ang nanay ko.

Napangiwi na lang ako at napatingin sa bag kong na kay Faller. Dahil likas na maarte ako ay meron akong traveling bag na dala. Sakto lang naman ang laki niyon.

"Pangasinan daw," tamad kong sagot.

Namewang naman ito at idinuro si Faller. Halatang nagulat naman ang isa. "Hoy, bitch! Itatanan mo na ang haduf na ito?"

Haduf? Tama ba ang pagkadinig ko?

Natutop ko naman ang bibig ko. "Mi...nura mo ako?" hindi ko makapaniwalang sambit.

Napangiwi naman siya. "Huwag mong ililihis ang usapan! Anong gagawin ninyo sa Pangasinan?!"

Napakamot kami pareho sa batok ni Faller. Mukhang hindi kami makakaalis na hindi namin nasasagot ang tanong ng bruhang ito.

"May dadalawin lang kami doon..."

"With that?!" Itinuro niya pa ang bag ko.

Gusto ko na namang magpadyak sa inis. "Problem?! Sa madami akong kaartehan sa katawan, eh!"

"Galit na galit ka na niyan? Ang magkaibigan ay wala