25

25

I LIKE YOU

Literal na nakanganga ang mga kapwa nanay ko sa eskwelahan ni Blaze nang pumasok kami ng anak ko at may kasusunod kaming matandang gwapo.

Sinulyapan ko si Bradenton at para siyang nagmamagnet ng mga mata ng kababaihan, habang sya naman ay naglalakad na tila ba walang pakialam at walang tao sa paligid niya kundi sya lang.

Grabe, yabang niya talaga.

May karapatan naman talaga siyang magyabang sa totoo lang. Nasa kanya na ang lahat, isama na ang kasungitan at ka wirduhan.

Di naman siya katandaan pero matanda na kasi sya para sa akin kasi eleven years nga ang gap niya sa akin.

Nakanganga sila kasi sa likod ni Braden ay ang dalawang asungot niya. Si Kadyot 1 at si …di ko alam ang itatawag ko sa isa. Basta ang isa pang kadyot, si Kadyot 2.

"Babye Daddy, Mommy," sabi ni Blaze at di matanggal ang ngiti ng anak ko kaya natutuwa ako para sa kanya.

Pinag tig-isahan niya pa kami ng halik at yakap.

"Good morning, Ms. Vera." bati sa akin ni Teacher Jack stone kaya nginitian