Chapter 85

Mapait ang ngiti ni Carnation na nakatitig sa full length mirror sa kanyang harapan. Hinaplos niya ang suot na bestida at dinama ang malambot nitong tela. Hindi na siya umasa na magkikita pa sila ni Luca, pero sadyang mapaglaro talaga ang tadhana.Sino ba naman ang mag-aakala na magagawa siyang dukutin ng binata para lang masolo sa isla na ito. 

“Nababaliw na siya,” bulalas ni Carnation sa sarili habang nakatitig pa rin sa sariling reflection sa salamin.

Anong pa silbi ng ginagawa nitong panunuyo sa kanya gayong ikakasal na ito sa ibang babae? Hindi niya talaga maintindihan ang goal ni Luca. Alam ng lahat ang tungkol sa engagement nito sa anak ng isa sa mga board member sa kompanya ng ama nito, kaya ano ang balak nitong gawin sa kanya? Kailangan niyang malaman ang tunay na pakay ni Luca. Imposibleng basta na lang nitong talikuran ang dalawang taon na nilaan nito sa New York para makuha ang kompanya ng ama para lang makipagbalikan sa kanya.