Chapter 92

Malakas na tawa ni Wregan ang maririnig sa opisina ni Carnation, nasa lounge sila ng binata at umiinom ng kapi nang hapon na iyon. Basta na lang itong sumugod at nagyaya ng meryenda. Marahil ay tumakas na naman ito sa trabaho.

"Hindi talaga ako makapaniwala. Talagang sinabi mo 'yon sa kanya? F*ck! Dapat ay nakita ko ang naging reaksyon niya."

"Sinabi ko lang iyon para tumigil na siya. Alam ko naman na hindi siya papayag sa ganoon paraan." Pinag-uusapan nila ang nangyari kagabi sa dinner meeting niya kasama si Luca. Naikwento na rin niya kay Wregan ang dahilan kung bakit napunta siya sa isla ni Gregory. Nagalit ito sa ginawa ni Luca, pero natuwa din naman nang sabihin niyang sinampal niya ang kaibigan nito bago tinalikuran.

"Paano kung pumayag siya? Gagawin mo ba? May usapan na kayo, at hindi pwedeng bigla mo na lang bawiin ang sinabi mo."

"Hindi iyon deal. Nag-offer pa lang ako sa kanya, at malabong pumayag siya. Kilala mo ang kaibigan mo, hindi siya