xxiii. Family Outing

“Nasaan na ba si Venom?” naiinip na tanong ko kay Wregan nang ilang oras na kaming naghihintay ay wala pa rin ang kapatid ko. Nagpaalam itong babalik sa unit ng kaibigan niya para maligo at magpalit ng damit. Paano kaya iyon nagkaroon ng damit sa bahay ng kaibigan niya? Or baka manghihiram lang siguro? “Ano ba ‘yong friend niya? Lalaki o babae?” dagdag kong tanong.

“No idea.” Kibit-balikat namang sagot ni Wregan. “Why don’t you call your brother? Itanong mo kung bakit wala pa siya,” suhesyon niya na ginawa ko naman since ako lang ang libre ang mga kamay. Karga kasi niya si Wred. Tinawagan ko si Venom, ngunit hindi nito sinasagot ang tawag ko. Nakalimang tawag pa ako bago nakatanggap ng mensahe mula sa kapatid kong sira ulo.

“Hintayin na lang daw natin siya sa park,” imporma ko kay Wregan pagkatapos basahin ang mensahe ni Venom sa akin. “Hindi ko alam ang dahilan, basta ang sabi lang ng loko may problema daw siya at aasikasuhin niya muna saglit. Hahabol na lang siya sa atin.” Tumango l