Chapter 15. Pretending that she doesn't know anything.

Sa halip na turuan ni Selena si Elmhurst ng archery ay nakaupo lamang sila sa mataas na flood control at pinapanood ang malakas na alon. Habang sa pagitan nila ay may mga kahoy na sinindihan nila at ginawa nilang bonfire. Hindi sana ito maiisip ni Selena subalit nakita niya na nilalamig ang binata at pilit lamang nitong tinatago iyon.

Kanina pagkatapos nitong itanggi na iniignora siya nito ay humiling itong pumunta muli sila rito na dalawa. Hindi siya tumanggi at sumang-ayon na lamang upang hindi mas lumalim ang pagtatampo nito. At kung hindi siya nagkakamali ay ganito rin ang ginagawa niya noon kay Yuan. She will indulge him in everything he wants. Ayaw niya ang nagtatampo ang lalaki. At hindi niya maintindihan kung bakit kay Elmhurst ay ginagawa rin niya ito.

"Bago ka lang dito pero alam mo agad ang bandang ito ng Alta Tiero," biglang saad ni Elmhurst kaya napalinga siya rito. Nakatingin pa rin ito sa baybayin pero sumulyap sa kaniya nang maramdaman ang tingin niya rito. "Pumasyal k