Chapter 21. I'm making you nervous?

Nangalumbaba si Elmhurst at itinutok ang mata niya kay Selena na nagsusulat ng calligraphy sa isang bond paper. At sa halip na ang sinusulat nito ang tignan niya ay ang maamong mukha nito ang kaniyang pinag-aaralan. Sa tuwing kukurap ito ay kumikislot ang mahahaba at makakapal na pilik mata nito. Ang sarap din na panoorin na ang buong atensyon nito ay nasa ginagawa nito. Staring at her like this gives him a very cool feeling inside.

Nang bigla itong mag-angat ng mukha at nilinga siya ay bahagya lang siyang natigilan bago matamis na ngumiti. Inilapag nito ang papel sa mesa niya at kinatok iyon bago tumaas ang kilay. Bumaba ang tingin niya sa papel at naningkit ang mata niya nang makita kung ano ang sinulat nito roon.

It was his name that she wrote in calligraphy, very beautiful and elegant. Puwedeng ilagay sa isang frame at i-display niya sa kaniyang study table.

"Wow!" usal niya at hinaplos iyon. Kahit na ballpen lamang ang gamit ng dalaga ay nagawa pa rin nitong pagandahin ang callig