Chapter 29.1

MABAGAL NA PUMASOK na sa loob ng kanilang bahay si Bethany makatapos ang ilang pasimpleng lingon kay Gavin gamit lang ang gilid ng kanyang mga mata. Tinitingnan niya kung aalis na ang binata doon lalo pa at halos umaga na iyon. Nang tuluyang maisara niya ang pintuan ay hindi niya mapigilan ang sariling bahagyang silipin sa bintana ang sasakyan ni Gavin na kasalukuyang naroon pa rin at hindi pa umaalis. Napuno na ng pagtataka ang kanyang mga mata, hindi mahulaan kung ano pa ang ginagawa ng abogado dahil nanatiling naka-park ang sasakyan nitong out of place sa kanilang lugar. Nakapasok na siya at lahat, naroon pa rin ang binata. Maraming katanungan na ang nabuo sa kanyang isipan. Biglang dumaan sa balintataw ng dalaga ang mga larawan na nakita niya sa cocktail party na pakalat-kalat lang sa social media. Awtomatiko siyang sumimangot at binitawan ang laylayan ng kurtinang bahagya niyang hinawi kanina upang tingnan ang binata sa labas. Alam ni Bethany na walang kahulugan ang lahat ng nang