Chapter 28

"Good morning!" masiglang bati ko sa mukha ni Pierce nang pagbuksan niya ako ng pinto.

Nakakunot-noong pinasadahan niya ng tingin ang suot kong uniform ng isang cleaning company.

"Why are you dressed like that?"

Umikot ako sa harapan nito at ngumisi. "Maglilinis ako ng bahay mo. May tinawagan kang cleaning shop kaya andito na ako."

Akong papasok na ako sa loob pero hinawakan niya ako sa balikat para pigilan.

"Hindi ako nakikipagbiruan sa iyo, Xylca."

Nginitian ko siya saka itinaas ang mga hawak na mga gamit. Itinuro ko ang van saka inilabas ang ID.

"Hindi rin ako nagbibiro. Relax ka lang. Legit ako. Suma-sideline talaga ako sa shop na iyan pangdagdag-income."

Lingid sa kaalaman nito ay si Jacques mismo ang nagbigay ng tip sa akin. Kilala nito ang may-ari kaya agad niya akong naipasok.

Hinayaan na niya akong pumasok sa loob. Nahuli ko pa ang ginawa nitong pagsulyap sa malaking bag sa likod ko na maingat na inilapag ko sa gilid saka binuksan at inilabas ang mga nilutong pagkain.

"Pierc