Kabanata 20

“Mommy?” 

“Let's go home, guys,” yaya ko sa kanila. Sabay naman silang tumayo at lumapit sa akin.

Walang imik na sumunod sa akin ang dalawa papuntang kotse. Tila kakaiba ang pagiging tahimik ng mga ito. Dati madalas ay makulit at maingay sila pero ngayon tila parehong wala silang enerhiya sa katawan.

Sinilip ko sila smula sa salamin para i-check sila sa back seat bago ko paandarin ang sasakyan pero wala talagang umiimik sa kanilang dalawa. Seryoso lang at tuwid ang tingin nila. Hindi rin sila nagkikibuang dalawa. Hindi ko tuloy maiwasang kabahan sa mga ito habang nagmamaneho ako. They are my sons and I am worried about what they are thinking right now.

Kasalanan ito ni Dwayne. Kung hindi niya sana sinabing asawa ako, hindi iisipin ng kambal lalo na ni Cupid na siya ang ama nila. Ang tagal kong nagawang itago ang bagay na iyon tapos ngayon hindi ko alam kung hanggang kailan ko pa ba kayang panindigan ang mga kasinungalingan ko.