10

"Hey. Hey!" sigaw ko sa dalawang lalaki na nagmamadaling umalis ng lumabas ako ng restroom mabuti nalang at naiwanan si Grace sa loob para maligo. "Mga chismoso kayo!" 

Kakamot kamot sa ulo na humarap sina B1 at B2 sakin. "Sam, trabaho namin to," agad na katwiran ni B1. 

"Pati pagsunod sa restroom sa kasama rin sa trabaho nyo?" 

"Syempre, baka kasi kung anong gawin sayo ng dragon e," nakakunot ang noo na sagot ni B2. 

"Dragon? Si Grace?" hindi ko mapigilang matawa. "Mas matakot kayo sakanya kapag nakita nyo syang nakangiti," bigla akong napahinto. "May kasalanan nga pala kayo sakin," buti nalang naalala ko ang ginawa nila sakin. "Bakit nyo ako binigyan ng alak kagabi?" 

Nagkatinginan ang dalawa. "Anong alak? Juice lang yon," 

"Sabi ko sayo pare may halong alak yung binigay ng lalaki satin e," bulong ni B2 sa katabi nya. 

Napataas ang kilay ko. "Sinong lalaki ang sinasabi mo?" pag uusisa ko kay