Chapter 101

Paglipas nang isang linggo, kahit paano kinakaya na ni Anastacia na maglakad. Mabilis lang siyang mapagod. Pero makakapunta na siya sa Zone 66. Sumakay sila sa bangka patungo sa kabilang isla, doon sila naghintay ng barkong daraan sa Zone 66. Kasama niya si Marlion at Delta na sumundo sa kanila. Maging si Dok Matias ay kasama nila dahil mayroon na ‘tong nakikitang paraan para alisin ang bomba sa loob ng katawan ng tatlo—pero hindi pa sigurado kung talagang magiging epektibo ‘yon. Pinasama niya na ‘to dahil malaking bagay sa kanya na makita nito ang laboratoryo at pasilidad sa Zone 66.

“Magpahinga ka muna sa silid, susunduin na lamang kita kapag malapit ng bumaba,” sabi ni Delta sa ‘kin.

Tumango naman si Anastacia. Napapagod din naman talaga kasi siya kaagad. Nag-aalala rin siya kay King nang sobra, kailangan niyang mabalitaan ang lahat-lahat ng mga nangyari.

Nahiga siya at nagpahinga. Sa Zone 66 mas matitingnan ang kalag