Chapter 82.2

Sinabi ng Young Master na hindi ko dapat sabihin kahit kanino ang tungkol sa nalalaman ko lalo kay Anastacia. Madalas kaming mag-usap sa pamamagitan nang pagtawag niya sa ‘kin na kunwari’y pang-aliw na babae.

Pero isang gabing wala siya, nakita ko ang kanyang ama kausap ang babaeng madalas kasama ng Young Master, bukod sa babaeng nagngangalang Kristelle mayroon pa itong isang kasama. Isa ‘ko sa tatlong servant na nagsisilbi sa kanila.

“Kung gano’n, ang babaeng iyon marahil ang dahilan bakit mayroong alaala si King, maaaring dahil sa matinding nararamdaman niya rito noon,” iyon ang narinig ko sa ama-amahan ni Master King.

“Tama, sa kasamaang palad walang amoy ang babaeng iyon dahilan para mahirap siyang hanapin. Hindi ko rin siya mapasundan dahil alam kong malalaman ni King kaagad oras na may sumusunod sa kanya. Kaya sinabi ko na lamang sa inyo,” nakangiting sabi ni Kristelle. “Alam kong mas makapagdadala kayo