Kabanata 50

Kabanata 50: 'Ang nawawalang katauhan.'

Dumating ang umaga na mas matiwasay pa kaysa sa inaasahan ko. Hindi ko inisip na dadating din pala ang araw na maliliwanagan ang lahat ng mga katanungan ko, parang nakakatuwa lamang na isipin, na kahit papano... unti-unti nakikita ko na ang mga bagay na dati sa akin ay malabo. Dahil unti-unti ko na ring nakikita ang pagbabago, at nagsimula iyon sa aking mismong katauhan.

"Maraming salamat sa tulong mo, Diyos na Araw." alam ko sa sarili kong nasanay na akong tawagin siya bilang kinikilalang Ama, sa bayan na iyon, sapagkat hindi ko maitanggi na napamahal narin ako sa kanya, lalo na noong mga panahong malayo ako sa aking kinalakihang ama. Ngunit iba ngayon, kahit pa bumuti na ang pakiramdam ko, hindi ko mahanap kong anong mali sa pakiramdam ko ngunit hindi ko parin mahanap ang pagpapatawad para sa kanya. Mukhang hindi pa ako handa sa pagkakataon na ito, baka sa pagbabalik ko, alam ko na. O baka naman may mag-iba na sa pakiramdam ko, hindi tulad n