Chapter 55

Hindi natuloy ang dapat na pag-uusap namin ni Thauce dahil sinamahan ko si Lianna sa bayan noong tanghali. Inaya niya ako na maglibot at iyon nga, nakapamili kami ng mga damit. Ang dami ko na kakong baon na bigay niya mismo pero hindi pa rin siya pumayag at binilihan pa ako.

Nang makauwi naman kami ay hindi rin ako nagkaroon ng oras kay Thauce kahit ang itext siya dahil nakatulog ako sa entertainment room habang nanonood ng movie. Nang magising ako kinabukasan ay alas tres na ng madaling araw at nasa tabi ko pa rin si Lianna.

Pagtingin ko sa messages ko ay puro sad emoji ang mensahe ni Thauce pero iyong pinakahuli ay larawan ko na mukhang kuha niya nang makita na natutulog ako sa entertainment room.

"You fell asleep first! Boring ba iyong movie?" tanong ni Lianna sa akin.

Ngayon ay nandito kami sa kusina para maghanda ng pananghalian. Sinabi niya sa akin na gusto niya daw ng kaldereta pero hindi niya iyon alam iluto kaya nagprisinta ako na ako na ang magluluto para sa kaniya kaso ay