Chapter 35

HINATAK niya ako nang hindi ako agad nakakilos. Binuksan niya ang pinto ng front seat at pilit akong pinaupo roon. Napasulyap na lang ako kay Carlo na noon ay walang nagawa kung hindi pagmasdan kami ni Francisco. 'Di nagtagal, sumakay at pinaandar na rin ng huli ang sasakyan.

"Seatbelt mo," paalala niya sa akin. Kahit hindi pa ako masyadong nakaka-cope up sa kaniyang ginawa ay sinunod ko na rin ang sinabi niya.

"Ano ba'ng problema mo?" sa wakas ay nanulas din sa bibig ko.

"You..." mahinang tugon niya.

"A-Ako? B-Bakit?" Buti pa siya pinoproblema ako, mantalang ako wala namang nakikitang problema sa sarili ko.

Saglit niya akong tiningnan. "Look at you, basang-basa ka."

Nagkibit-balikat ako. "Eh inagaw ng jowa mo 'yong payong ko eh."

"Jowa?" Naningkit ang mga mata niya.

"Hmmp! Kunwari pa kayo."

Pinilit ko siyang ihinto ang sasakyan sa tapat ng bahay nina Carlo. May pamahiin kasi ang matatanda. Pagkagaling daw sa sementeryo matapos makipaglibing ay kailangan lumaktaw sa pinagsigaan ng mga