Chapter 61

NAKATINGIN ako sa cake na naka-display sa may estante. Maliit lang 'yon at tama lang for four slices. May design kasing batang lalaki sa may gilid at kulay blue ang icing. Sobrang cute. Gusto ko sanang bilhin. Thirtieth birthday ng tukmol ngayon. Imagine that, ambilis ng panahon. Naalala ko pa noong nagpunta siya sa birthday celebration ng co-teacher ko na kasunuran niya lang pala ang birthday. Kung anu-anong nangyari, magiging kami rin pala.

Binili ko nga ang cake. Eh kasi hindi ko naman alam kung ano'ng ireregalo ko sa kaniya. Kayang-kaya niya namang bilhin lahat ng nanaisin niya. Alangan din namang katawan ko eh matagal na niyang naangkin 'to. Kaya ito na lang cake. Para at least may malalamon ako kapag nagutom ako ng madaling araw. Alam kong hindi siya mahilig sa matamis at titikim lang siya nito kaya sa akin din ito mapupunta. Wala rin naman akong talent na puwedeng ipakita sa kaniya. Pero siguro naman maa-appreciate niya ito kahit papa'no. At least may mahihipan siyang candle ma