Chapter 62

PERO hindi ko alam kung paano ako nakahabol at nakahagip agad ng taxi. Ang alam ko, wala akong sinayang na sandali. Tumakbo ako para habulin ang kaniyang sasakyan. Mabuti't hindi masyadong mabilis ang pagpapatakbo niya at medyo may kadiliman ang kalsada. Medyo malapit din sa highway at saktong papadaan ang isang taksing halos magpabunggo na ako nang aking parahin.

Nababaliw na yata ako. Desperada. Ni wala man lang akong dalang pera nang mga sandaling 'yon. Nakapantulog pa ako at tsinelas na pambahay lang ang suot. Gulo-gulo rin ang buhok, pawis na pawis, naghahabol ng hininga.

"Manong, pakisundan n'yo nga ang sasakyang 'yon, bilis!" bossy ko pang utos sa driver. Tutok na tutok ang mga mata ko sa sasakyan ni Francisco. Saan ang punta mong hayop ka at hindi ka man lang nagsabi sa akin? Tinatanong kita kagabi kung aalis ka ba ulit pero sinabi mo, hindi. T*ngin*, ano 'to?

"Bilisan n'yo, baka makalayo!" sigaw kong muli nang mapansin kong medyo lumalaki na ang agwat namin. Hindi ko pinansi