Kabanata 96 Basement

Nasa opisina siya ng Tech Systems pero hindi siya mapakali. Kumpirmado na niya na si Derrick at Noah ay iisa. Wala na siyang pag-aalinlangan pa. Ang kailangan niyang alamin ay kung bakit hindi siya maalala nito. Nagkasakit kaya ito kagaya dati? Paano ito nakaligtas sa sunog? Nakita niyang sumabog at naabo ang buong bahay.

Tinawagan niya si Oliver. “Hello. Kumusta na? May balita ba tungkol kay Derrick Ruiz?”

Katahimikan sa kabilang linya. “Ms. Maddie, wala na po akong makalap na impormasyon. Mukhang naitago na nila ang gusto nilang itago. Pero umasa kang hindi ako titigil hanggat hindi natin natutuklasan ang katotohanan.”

“Oliver, sigurado ako na si Derrick at Noah ay iisa. Ano kaya ang nangyari at hindi niya maalala kung sino siya? Balikan natin ang bahay na sunog at magtanong sa mga tao sa paligid. Baka may makuha tayong impormasyon.”

“Ms. Maddie, ako na po ang bahalang bumalik at magtanong tanong. Tatawagan po kita kapag may bagong balita.”

“Sige, balitaan mo ako agad.”

Ibinababa na