Kabanata 97 Reminisce

Agad na sinalubong ni Maddie ang anak. Kinarga niya ito papasok ng mansyon. Hindi nito dapat makita si Derrick. Itinaas nito ng bintana ng kotse at umalis na palayo sa kanilang mag-ina.

“Mommy, sino po ang kausap ninyo?”

“Ah wala, may tinanong lang siya.”

Bakit nagpunta si Derrick sa tirahan nilang mag-ina? May naaalala kaya ito? Ano ang pakay ng binata?

Sinalubong siya ni Kaye.

“Maddie ang sabi sa akin ng pinsan kong si Emaline ay nagpunta ka daw sa bahay nila.”

“Ah oo, noong isang araw.”

“Nakita mo ang asawa niya?”

“Oo, nakausap ko silang mag-asawa.”

“Ang asawa niya ang itinuturo ko sa’yo sa conference na kamukha ni Noah.”

“Kahawig nga pero mas gwapo si Noah. Sa Amerika daw sila nagkakilala.” Ayaw muna niyang ipaalam sa iba na buhay si Noah hanggat hindi niya alam kung may amnesia ba ito o nagpapanggap lang. Tama! May posibilidad na nagpapanggap lang ito na walang naaalala. Ngunit bakit? Iyon ang dapat niyang alamin.

“Maddie, kamukha talaga. Kung hindi nga lang natin nakita mismo an