Chapter 18

"Bakit ganyan ang itsura mo,may nangyari ba?"

Bungad na tanong sa akin ni Llianne. Siguradong magang-maga ang mga mata ko ngayon. Hanggang pauwi ay iyak ako ng iyak. Naabutan pa ako ng ulan sa labas kaya basang-basa pa ako. 

"Wala," mahinang sagot ko. 

Dumiretso na ako paakyat sa hagdan. Ang mga kasambahay na nakakasalubong ko ay nagtataka sa itsura ko pero wala din naman silang sinabi. 

Humiga na agad ako sa kama pagkapasok ko ng kwarto kahit na alam kong basa pa ako. Di maalis sa utak ko ang mga nangyari ngayong araw. 

Parang di katanggap-tanggap. 

Sa sobrang pagod ay di ko na namalayang nakatulog ako. Nagising na lamang ako nang makaramdam ako ng lamig. Kinapa ko ang damit ko at na realize na basa pa rin ako. 

Nanghihina akong pumunta sa walk in closet at nagbihis ng pantulog. Di ko alam kung bakit sobrang lamig ngayon. Hininaan ko na ang aircon pero gano'n pa rin. 

Basa pa ang kama ko dulot na rin