Kabanata 27.2

Sa sobrang sakit ng nararamdaman ni Isabella ay wala ng lumabas na kahit anong salita sa bibig niya. Nanlalabo na ang paningin niya dahil sa namumuong luha sa mga mata niya.

“Isabella!” tawag ni Aidan nang biglang tumakbo si Isabella palabas ng hotel.

“This is your fault!” asik ni Monique kay Aidan. Ito na nga ba ang sinasabi niya, hindi imposibleng malaman na ng lahat ang tungkol kay Brylle. Ito ang ikinakatakot ni Monique ang maging magulo ang buhay ng anak niya.

“Oh my God! The woman!” sigaw mula sa labas ng hotel. Nilingon ni Aidan at Monique ang sigawan sa labas ng hotel. Mula sa glass wall ay kita nila ang nagkakagulong mga tao.

“Damn it!” malutong na mura ni Aidan. Mabilis siyang tumakbo sa labas para tingnan kung anong nangyari. Nakisiksik na siya sa mga taong nagkukumpulan. Lumabas na rin si Monique para tingnan kung anong nangyayari.

“Excuse me!” wika ni Aidan at hinawi ang mga t