CHAPTER 15

LIVE

Kumpara sa mansyon ng mga Apollo, dalawang palapag lang ang nakatirik ng mansyon sa Isla Nueva. Sinundo sila ng driver sa airport saka bumiyahe tungong isla. Nagising si Beatrice sa tila sprinkling na alon ng dagat. At sa mabangong halimuyak malapit sa kaniyang nostrils, noon niya lang napansin ang brasong nakapulupot sa baywang niya.

Tumingala siya sa asawa. Nakapikit si Lucas.

“Lucas,” ani Beatrice. “Lucas, is this mansion yours too?”

Gumalaw si Lucas, mas lumapat ang palad sa kaniyang baywang. Mariing napalunok ang babae sabay lingon sa maugat nitong kamay. Sinilip niya ang driver, hinakot nito ang mga maleta papasok.

Puno ng mga bulaklak ang paligid. Puti at beige ang pangunahing kulay ng mansyon. Alam niyang malayo siya sa siyudad dahil malinaw ang huni ng mga ibon sa paligid. Tumingala ulit si Beatrice kay Lucas. Nahigit niya ang hininga nang maabutang nakatanaw sa kaniya ang asawa.

Huminga nang malalim si Lucas sabay tango. “Well, yes.” Kumalas ang lalaki sa pagkakahawak s