Chapter 42-Pagkamuhi sa sariling ina

"KAILANGAN kong makagawa ng paraan!" ani Margaret at matalim ang tinging ipinukol sa unahan ng sasakyan.

Tinapunan ng tingin ni Janice ang ina habang nagmamaneho ng kotse. Kanina pa ito nagmumura dahil sa galit. Hindi pa niya alam kung bakit nagalit ng husto ang ama dito.

"Napaka demonyo talaga ng babaeng iyon! Alam kong siya ang nagbayad ng tao upang sundan ang bawat galaw ko!" nangangalit ang mga ngipin ni Margaret at kuyom ang mga kamao. Noong araw na umalis siya upang makipagkita sa mga kaibigan ay si Philip ang kasama niya. Hindi niya akalain na may nakasunod sa kanila at nasundan hanggang sa loob ng hotel.

"Ano po ba ang ginawa ni Nica at halos namuhi na ng husto sa iyo si Daddy?"

"Nagbayad siya ng tao upang sundan ang bawat lakad ko. Bwesit din kasi si Philip at hindi mapigilan sa bisyo niya!"

Nangunot ang noo ni Janice at bahagyang binagalan ang pagpatakbo ng sasakyan. Hindi niya naintindihan kung bakit nasangkot ang pinsan niya dito. Ang t