Chapter 43-Paglampaso ni Nica sa Madrasta

"TITA please po ako na ang nakikiusap sa inyo, huwag muna kayong magpakita kay Nica." Pakiusap ni Chris sa ginang. Naipagpasalamat niya at nasa loob pa ang asawa at siya ang unang nakakita sa ginang.

"Asawa ako at anak lang siya kaya ako ang may mas karapatan na dapat nasa tabi ni Alfonso!" matigas na pamimilit ni Margaret na makapasok sa silid kung saan nakaratay si Alfonso. Kailangan niyang makita ang kalagayan ng asawa upang makapag-isip ng hakbang laban kay Nica.

"Asawa?"

Natigil sa pagtatalo sina Chris at Margaret nang magsalita si Nica mula sa bungad ng pintuan. Ang mga mata nito ay mugto mula sa pag-iyak ngunit nag-aapoy sa galit na nakatitig kay Margaret.

"Tinawag mo ang sarili mong asawa ng ama ko?" Nang-uuyam niyang tanong sa madrasta at dahan-dahang isinara ang pintong pinagmulan.

Biglang umurong ang dila ni Margaret at hindi magawang sagutin si Nica. Ibang Nica na ang nakikita niya ngayon at nasa mukha ang hindi magpapatalo sa kaniya sa