Chapter 30 (The Story of Audrey-Part 2)

Malipas ang ilang buwan simula nang malaman niya ang totoo ay hindi na niya kinausap pa si Nathan. Siya na mismo ang humiwalay sa lalaki lalo na at may nobya na pala ito. Ayaw niyang makasira sa relasyon ng iba. Gustuhin man niyang iladlad ang karantaduhan nito ay mas pinili niyang manahimik at baka siya pa ang mabaliktad ng mga ito.

Mas naging seryoso siya sa lahat at muling lumayo ang loob sa mga lalaki. Kung may mga kusang lumalapit at kumakausap man sa kanya ay kinakausap niya lamang ito kapag tungkol ito sa academics na related sa kurso nila. Sa tuwing may nararamdaman siyang may layunin itong mapalapit sakanya ay agad rin siyang lumalayo rito. Na trauma siya sa nangyari sa ginawa sakanya ni Nathan at ayaw niyang maulit iyon sakanya.

Nang makapagtapos si Audrey sa ikatlong baitang ng kolehiyo ay nag apply siya ng summer job para kahit papaano ay may kikitain din siyang pera. Isa pa ay nahihiya rin siyang humingi ng pera sa Ate niya na kasalukuyan ng masayang bumubuo ng sarili nit