(The Story of Audrey-Part 3)

Isang buwan na ang lumipas at sinimulan ni Audrey na baguhin ang sarili. Napakahirap lalo na at hindi niya alam kung saan magsisimula. Wala na rin siyang balita kay Theo at sa anak niya. Ayaw na rin niya itong guluhin pa at hinihiling na sana naging matiwasay na ang mga buhay nito na wala na siya doon sa pamamahay ng lalaki. Pagkaalis niya sa bahay ni Theo ay agad siyang bumalik sa kanyang Ate at luhaang humingi ng tawad dahil sa hindi niya pagpapakita nito ng ilang taon.

Naging maayos naman ang relasyon nila ng kanyang kapatid. Sinulit niya ang araw na hindi niya ito nakasama. Kahapon nga ay balak na sana siya nitong isama sa Japan dahil nagplano pala ang asawa nitong si Federick na magbakasyon doon sa ibang bansa. Gusto kasi nitong mag family travel.

Tumanggi si Audrey. Ayaw niyang sumama, saka na siguro kung magkaron na siya ng lakas ng loob na humingi ng tawad sa anak niya at kay Theo. Sa oras na makahingi siya ng tawad sa mga ito ay saka na siguro siya magbabalak na sumama sa m