Chapter 70

         UMILING SI FRENI. There was no way na makikipaglaro ulit siya sa batang ito. Minsan na ring nanganib ang buhay niya sa batang ito, kaya bakit pa niya uulitin? Hindi pa siya nahihibang upang gawin iyon.

“Ayoko sabi,” deklara niya. “Hanapin mo iyong duwende. Doon ka sa kanya makipaglaro, bata. Huwag ka na lang makulit, okay?”

Lumabi ito. “Pangit ka na nga, ayaw mo pang makipaglaro sa akin. Sige na. Maglaro na tayo. Pangako. Iba itong lalaruin natin.”

Napabuntong-hininga siya. “Mas enjoy ako ngayon sa pagmamasid sa dagat. Hindi mo ba nakita ang paglundag ng mga isda? Ayan oh!” bulalas niya. Klase-klase ang mga isdang naroroon. May iba't-iba ang kulay gaya ng bahaghari sa kalangitan. “May mga dolphins pa!” p