Chapter 91

PHILIPPINES

(Apat na buwan ang nakalipas simula no'ng umalis si Alexus para sundan ang kapatid na si Keihzza sa North Korea.)

"Kamusta na po ang pakiramdam niyo, Mr Belmonte?" tanong ni Tres kay Mr Alexzander Belmonte, ang ama ni Alexus.

Nakaupo si Tres sa may sofa ng silid nito at nagbabasa ng magazine. Kakabangon lang naman ni Alexzander. "Tingin ko ay maayos na ako." husky ang boses na sagot ng ginoo.

"Mabuti naman po kung gano'n." Tumayo si Tres at isinantabi ang magazine na binabasa. "Patingin po muna ako ng inyung sugat." at tsineck ang sugat nito sa likuran, binti at mga braso. Hindi naman tumutol ang Ginoo at hinayaan lang na gawin ni Tres ang check up sa mga natamo niya, apat na buwan na rin ang nakararaan.

"Nasaan si Spade?" eksaktong pag tanong ni Alexzander tungkol sa anak na si Spade ay pumasok naman ito sa kuwarto.

"Dad. Gising ka na pala. Nagdala ako ng mga pagkain. Gutom ka na ba?" sunod-sunod na ulat ni Spade.

"Tuluyan ng magaling ang mga sugat ng ama mo, S