25

25

Unang bumungad sa akin ang puting liwanag sa kisame nang buksan ko ang mga mata. Nilibot ko ang paningin at napagtanto na nasa hindi pamilyar akong silid. Hindi ito ang silid ni Tina. Nasaan ako? Kaninong kwarto ito?

Dahan-dahan akong umupo sa higaan. Nanghihina ang katawan ko sa hindi ko alam na rason. Ano bang nangyari sa akin? Ang huling natandaan ko lang ay kausap ko si sir habang naghuhugas ng pinggan. Tapos no'n bigla nalang nandilim ang paningin ko at pagtapos no'n ay wala na akong maalala.

Napahawak ako sa ulo nang sumakit iyon. Napapikit pa ako sa sobrang sakit. Kasunod ko ang pagbukas ng pinto.

"You're awake. Masakit ang ulo mo?" Hindi ko man tignan ngunit alam kong si sir ang pumasok. "Here, eat and drink this. Para gumaling ka."

Lumapit siya sa akin at naglapag ng maliit na mesa sa harap ko. Umupo rin siya paharap sa akin. Tinignan ko siya. Nakasuot ito ng pajama niya na pantulog. Anong oras na ba? At nasaan kami? Bakit ganiyan ang ayos niya?

"N-nasaan po tayo, sir? Ano