73

73

"Anong nangyari? Bakit siya dinala rito?"

Agad akong sinalubong ni Adrian nang marating ko ang hospital dito sa bayan. Hindi ko alintana ang pawis at gulo ng hitsura ko basta makita ko lang na ayos ang kalagayan ng anak ko.

"Sabi ng doctor ay pagod daw," paliwanag ni Adrian. "Buong araw kasi siya puro laro sa labas ng bahay. Pero okay na siya ngayon. Pinagpapahinga lang ng doctor. Pwede na natin siyang iuwi pagkagising niya."

Nakahinga ako nang maluwag. Umupo ako at sinapo ang noo. Mabuti nalang at gano'n lang. Hindi ko ata kakayanin kung may magiging sakit siya dahil sa kapabayaan ko.

Tumayo sa akin si Adrian at hinawakan ang balikat ko.

"Sorry kung binigla kita." Mahinang sabi niya. "Nabigla at natakot lang din ako. Nagpanic na ko kasi ito ang unang pagkakataon."

Umiling ako at tinignan siya. "Hindi, ayos lang. Mabuti nga't nasabi mo agad. Magkano ang babayaran?"

"Hindi ko pa naitatanong. May pera ka bang dala?" tanong niya. "Sensiya ka na wala akong dala dahil sa pagmamadal